واٹس ایپ استعمال کرنے والوں کے لیے اچھی خبر

واٹس ایپ استعمال کرنے والوں کے لیے اچھی خبر

سان فرانسسکو (پبلک نیوز) دور حاضر   میں پیغام رسانی کی سب سے مقبول موبائل اپیلی کیشن واٹس ایپ نے بیٹا ورژن استعمال کرنے والے صارفین کیلئے ایک نیا زبردست فیچر متعارف کرا دیا ہے۔

تفصیلات کے مطابق پیغام رسانی کی معروف ایپلی کشن واٹس ایپ کےجس کے دنیا بھر میں کروڑوں صارفین موجود ہیں جن کو سہولیات اور آسانیاں فراہم کرنے کیلئے کمپنی نت نئے فیچرز متعارف کرواتی ہے۔ کورونا وائرس کی موذی وباءپھیلنے کے بعد اپنے دیگر مقابلہ باز کمپنوں  کی طرح واٹس ایپ بھی اپنے صارفین کیلئے ویڈیو کالز کو بہتر سے بہتر بنانے میں مصروف ہے اور اس سلسلے میں ایک نیا فیچر متعارف کرایا ہے۔

یہ فیچر، اینڈرائیڈ اور آئی او ایس پر بیٹا ورژن استعمال کرنے
 والے صارفین استعمال کرسکتے ہیں اس کو ”میگزیمائیزیشن“ کا نام دیا گیا ہے اور اس کے تحت صارف گروپ ویڈیو کال کے دوران کسی بھی ایک شخص کی ویڈیو پر کچھ دیر کیلئے ٹیپ کئے رکھنے پر اس کی ویڈیو کو فل سکرین میں تبدیل کر سکتا ہے۔

ایک بات زہن نشین  رہے کہ واٹس ایپ نے صارفین کیلئے گروپ کالنگ میں دوستوں کی تعداد بڑھانے کی سہولت بھی متعارف کرائی جس کے بعد ایک اور فیچر بھی متعارف کرایا گیا جس کے تحت صارفین فیس بک کے دوست کو بھی گروپ کال میں شامل کرسکتےہیں۔